இயலாமை
பரிதாபங்களை யாசித்தல்
கழிவிரக்கத்தை தறுவதாயிருக்கிறது.
இயலாமைகளை உரத்துச்சொல்வதை
தடுக்கிறது சுயமரியாதை
நடப்பின் இருப்புகளை
உதறவோ உடைக்கவோ முடியாத
இயல்பின் மனநிலையில்
கரம்நீட்டித்தரும்
உதவியின் கோப்பைகளை
உடைத்தெறியத்துடிக்கிறது மனது
ஏனெனில்
யாசித்தலின் எதிர்மறையாய்
இதையேனும் செய்வதில்
நிம்மதிக்கிறது "இயலாமை."
7 comments:
கிருத்திகா,
இயலாமையின் முதல் எதிர்வினை இதுதான். அழகாக வார்த்தைகளில் வெளிக்கொணர்கிறீர்கள். இப்போதுதான் 'முகமூடிக்கவிதைகள் 3' படித்தேன். முதல் கவிதை பிடித்தது. நிறைய எழுதுங்களேன்.
அனுஜன்யா
நன்றாக உள்ளது.
-------------------------
தறுதலை
(தெனாவெட்டுக் குறிப்புகள்-'08)
//இதையேனும் செய்வதில்
நிம்மதிக்கிறது "இயலாமை."//
இதுதாங்க என் இப்போதைய மன நிலை..
:((
கொஞ்ச நாளா உங்கள் பதிவு பக்கமே வர முடியல.. கொஞ்சம் பிஸி..
நன்றி அனுஜன்யா... எழுத ஆசைதான்...:)
நன்று தறுதலை...
வாங்க சரவணகுமார்.. கிட்டத்தட்ட எல்லோரும் இத்தகைய காலகட்டத்தை தாண்டிக்கொண்டுதான் இருக்கிறோம்... எல்லா அனுபவங்களையும் பாடங்களாக்கிக்கொண்டால் நிம்மதிகிட்டும்.
கழிவிரக்கத்தை தறுவதாயிருக்கிறது
தருவதாயிருக்கிறது
யாசித்தலின் எதிர்மறையாய்
இதையேனும் செய்வதில்
நிம்மதிக்கிறது "இயலாமை."
எல்லாருக்குமான ஈகோ தான் காரணம் :)
Post a Comment