இப்போதும் முகம் வெளிறிப்போகிறது
என்றோ கண்டுகொள்ளாமல் வந்த
அந்த சிகப்பு சட்டை மனிதனின் சடலமும
கூடவே கிடந்த அவன் வாகனமும்
மனவோரத்தில் நினைவுறும்போது
மனித நேயம் குறித்த எந்த ஒரு
விவாதத்திற்குப்பின்னாலும்
மவுனம் காக்க வைக்கிறதென்
மனநிழலில் கடந்து போகுமிந்த நிகழ்வு
**********************
முனைந்து செய்ய இயலாது
போனவைகளை
பட்டியலிடத் தேடத்
தொலைந்து போனதென்
எழுது கோலும் வெள்ளைதாள்களும்
பிறகென்ன
அத்தனை பாசாங்குகளுக்குள்ளும்
ஒளிந்து கொள்ள முயற்சிக்கிறது மனது
